गुरू महिमा
आपद मेटी आप गूढ तत्व रो ज्ञान दे
परा मिटाया पाप जीवां जूणी जगत में
अंतस घोर अँधार गुरू उजाळा ज्ञान रा
शरणाई साधार. सहज मिलावै साँवरो
ऊजळ दीप उजास मोह रैण मगसी पड़ी
परकट भयौ परकास परमरूप परख्यो भलो
तीखण तपिया ताप आप जाप जपिया अती
छोड़ी मो मन छाप देव रूप दरसण दिया
दीन्ही जननी देह आतम रूप आयो नहीं
सतगुरू सदा सनेह पूरण पण पलटावियो
रतनसिहं चाँपावत कृत
कोई टिप्पणी नहीं:
एक टिप्पणी भेजें