जिंदगी में कदे हताश हो जाओ, चारू मेर निराशा ही दिखे, कदम कदम पर असफलता मिले, या जिंदगी स्यु एलर्जी हुबा लाग ज्यावै...
तो
एकर महाराणा प्रताप की जीवनी पढ़ लीज्यो।
म आ कोनि केउ, इन पढ़ बा स्यु थांकी समस्या कम हु ज्याई, लेकिन अति पक्की ह थांको नजरियों बदल ज्याई।
थाने आ लाग सी क यार दुनिया म ओर भी कई हा झका आपण स्यु ज्यादा कष्ट देख र गया ह।
ओर
इस्या हालात म क्यु कर र गया ह झका म आपा क्यु करबा की सोच कोनि सका।
आपण साथ दिक्कत आ ह- थोड़ी सी परेशानी आई और भगवान न दोष देबो शुरू, आपणी परेशानी और तकलीफ की बजह आपा दूसरा न माना। आपण साथ क्यु बुरो हुवे जद आपा न लागे भगवन आपण साथ ही इस्यो क्यु करे, आपा तो कोई को बुरो करयो ही कोनि। अपनी मेन कमजोरी ह आपा हार जल्दी मान लेवा।
लेकिन
प्रताप ई मामला म, अपने आप म सँघर्ष ओर सफलता की जीवंत कहानी ह। सोच र देखो झका को जन्म राजमहल म हुय्यो ओर झको पूरा राजसी वैभव को हकदार हो, बिको बचपन जंगल म भील ओर आदिवासी के बीच म बितयो।
प्रताप के जन्म स्यु पेलि ही बिका दुश्मन जन्मगा। ई न पैदा हुता ही मार बाळा पैदा हुग्या।
थोड़ो बड़ो हुय्यो र मा बाप को देहांत हुग्यो। म केउ कदम कदम पर भगवान मुश्किल खड़ी करबा म कमी कोनि राखी । नियम स्यु राजा बनबा को हकदार प्रताप ही ह्यो, पण नही।
नियति न ओर ही क्यु मंजूर ह्यो, खुद का सागे भाई ही झका का दुश्मन हो बिंकी हालत थे सोच सको।
प्रताप कदम कदम पर आप का हक के लिये लड़ाई करि, षंघर्ष करयो ओर राजा बन्यो।
थोड़ा दिन शांति स्यु निकल्या, पच्छ फेर बो तुर्क को मुत अकबर पीछे पडग्गयो, क तो अधनता स्वीकार करो या युद्ध करो। लेकिन गुलामी तो खून म ही कोनि, किया करले।
परिणाम स्वरूप युद्ध ही हुय्यो, हल्दीघाटी म वर्ल्ड फेमस युद्ध हुय्यो। कठे 20 हजार सनिक ओर कठे 80 हजार।
लेकिन
षंघर्ष करयो, घुटना कोनि टेकया परेशानी के आगे।
हल्दीघाटी म चाहे महराणा की हार हुगी हुली, लेकिन जीत अकबर की भी कोनि हुई, बिने भी बिंकी नानी ओर दादी याद आएगी।
हल्दीघाटी बाद म,
महाराणा की जिंदगी बदल गई, षंघर्ष को नयो दौर शुर हुय्यो। आदमी जद खुद पर आवे तो सहन कर लेवे लेकिन जद बी की औलाद पर आवे तो सहन बहुत दोरो हुए । लेकिन प्रताप ई दुख न भी हँसतो हँसतो सहन करगो। प्रताप की औलाद, झकी महला की हकदार ही।खा णा म झका 56 भोग खाता, नोकर चाकर आगे पीछे रहता, बे आज डूंगरा म रेव। घास की रोटया खावे। दर दर की टोकरा खावे।
लेकिन प्रताप ई दुख में भी सहन करयो लेकिन संघर्ष को गेलो को नहीं छोड़ो ,हिम्मत कोनी हारी।
लास्ट तक संघर्ष करयो ओर आपको मेवाड़ वापस लियो। मरयो जद कोई को गुलाम कोनि ह्यो, जिंदगी आपकी शर्त पर जी, कोई और कि गुलामी कोनि करि।
ख्याल तक कोनि आयो कदे, के अकबर न खुद को बादशाह घोषित करदे।
आपन साथ काइ दिक्कत ह, थोड़ी सी तकलीफ आव और आपा गेलो ही बदल देवा।
दो बार पटवारी की एग्जाम दे दी फेल होगा अगली बार पटवारी को फार्म कोनि भरा, राजस्थान पुलिस को भरस्या।
फिर दो बार राजस्थान पुलिस को भी भर दियो नंबर कोनि आया तो सोच लेवा की आपने किस्मत में ही नौकरी कोनी अपनों को प्राइवेट नौकरी करस्या।
"आपणी परेशानी आ ही ह क आपा परेशानी स्यु परेशान हु ज्यावा।"
महाराणा की जीवनी अपने आप म बहोत प्रेरणादाई ह, कोई भी कुछ भी कर सके।
आपा न दूसरा का सुख आपण स्यु ज्यादा दिखे ओर दूसरा के परेशानी आपण स्यु कम दिखे।
तो
आगे जद कदे भी कोई दीक़त आव या हिम्मत हार ज्यावो तो मेर केबा स्यु, मन स्यु महाराणा की जीवनी पढ़ लीज्यो।
नयो जोश और हिम्मत आ ज्यासी,, म तो खुद प्रेक्टिकल बात बता रह्यो हु जद मेर जिस्यो झका न कि कोनि आव, बो नोकरी लाग सके तो थे तो बहोत कुछ कर सको।
बस ए छोटी मोटी असफलता स्यु घबराया मत करो, नोकरी तो थाकि बी दिन ही लाग गी झक दिन थे मन स्यु लाग बा कि सोच ली...
