चूलह कने जचे चिमपियो,
चाकी जचे पोली में !
छपर खाट चोबारा जचे,
तकियो जचे खोली में !!
गाय भैंस गोर में जचे,
भेड़ बकरिया टोली में !
रंग गुलाबी लागेे मुंडा पे,
डोळ बिगड़ज्या होली में !!
रोही में जचे कमेडी,
जचे मोरियॊ बागा में !
सुई साग जचे भुणीय,
रंग बिरंगे तागा में !!
पान लिया पनवाडी जचे,
हाथ लिवड़ा काथा में !
कांदा साथे जचे राबडी,
मिसी रोटी हाथा में !!
मार पलाथी जचे बाणयो,
कलम चलातो खाता में !
ब्राह्मण गले जचे जनेउ,
लंबी चोटी माथे में !!
चंचल नार जचे झरोखेे,
स्याणी नार चौके में !
बात केओ तो कणाई,
पण जचे कयोड़ी मोके में !!!
राजस्थानी की रचनाये चुटकुले कविताये rajasthani marwari jodhpuri kahawate jokes gk poems facts
कोई टिप्पणी नहीं:
एक टिप्पणी भेजें